kurivaj

આહિર સમાજના કુરીવાજોને નાબૂદ કરવાના નિયમો

• કાચી વઈદાગીરી સદંતર બંધ કરવી.
• પાકી વઈદાગીરીમાં ૧૧ (અગિયાર) વ્યક્તિ એજ જવું કે આવવું. છોકરાએ રૂ. ૧૧૦૧/-લેવા અને વઈદાગીરી લેવા આવે ત્યારે છોકરાને પણ રૂ.૧૧૦૧/- આપવા અને સાથે આવે કે જાય તેને રૂ.૧૦૧/- આપવા કે લેવા, વધારાના કવર આપવા નહી.
• વેવામાં વધુમાં વધુ ૨૫ (પચ્ચીસ) વ્યક્તિ એ જવું કે આવવું. વેવામાં વધુમાં વધુ ૧૧ (અગિયાર) પહેરામણી લેવી કે આપવી, છોકરીવાળાએ પણ અંગત સગાઓને જ બોલાવવા. વેવાના સમયે છોકરા-છોકરીને સ્ટેજ પર જે કવરમાં પૈસા આપે છે તે સંદતર બંધ કરવું.
• વેવા કરી પછી લગ્ન બાકી હોય તો અલુણાનું ખાવુ લઈને જાય છે કે આવે છે તે પ્રથા બંધ કરવામાં આવે છે.
• પીઠીમાં ફકત મોસાળમાંથી જ મામીઓએ જ જવું કે આવવું. બીજા સગાને પીઠીમાં પીઠી ચોરવા બોલાવવા નહી. તેમજ પીઠીમાં જે ભેટ સોગાદો આપવામાં આવે છે તે સંદતર બંધ કરવું.
• પીઠીના દિવસે ધરના અંગત વ્યક્તિઓએ જ પોહ ભરવાની વિધિ કરવી. અન્યએ કોઈપણ ભેટ સોગાદો આપવી નહિ.
• લગ્નમાં ગીત ગવડાવવામાં આવે છે ત્યારે તેમાં વાસણ વહેચવાની પ્રથા છે તે બંધ કરવી
• લગ્નમાં પેણામાં, સાંતેકના દિવસે કે જાનના દિવસે નસીલા પીણા કોઈને પીવડાવવા નહી, ફળિયાવાળા એ પણ નસીલા પીણા કોઈને પીવડાવવા નહી.
• લગ્નમાં છોકરીવાળા જે છોકરા વાળાને ત્યાં સાતેકમાં જાય છે અને ચીજ વસ્તુઓની આપ – લે કરે છે તે બંધ કરવામાં આવે છે.
• મોસાળની અંદર જે પહેરામણી કે ભેટ સોગાદ આપવામાં આવે છે તે ફકત મામા તથા તેના કુંટુંબીજનો સિવાય કોઈએ આપવું કે લેવાનું રહેશે નહિ.
• લગ્નમાં ભુખા રહેવાની પ્રથા સંદતર બંધ કરવી.
• છોકરી લગ્ન કરીને સાસરે આવે કે જાય તો બીજા દિવસે છોકરી પાસે ફળિયામાં કે સગાને પૈસા વહેચવામાં આવે છે તે પ્રથા બંધ કરવામાં આવે છે.
• ઉંબર પુજવાની પ્રથા સંદતર બંધ કરવી.
• શ્રીંમતમાં છોકરી પક્ષ તરફથી કોઈ રૂપિયા વહેચવા નહી, ફકત જમાઈ માટે વીંટી જ લાવવી.
• શ્રીંમતની વિધિમાં ફકત પોતાની સગી નણંદે જ રાખડી બાંધવાની રહેશે.
• બાળકના પગલાં લઈને ૨ (બે) વ્યક્તિ એજ જવું. અને ફકત રૂ.૫૦૧/- પ્રમાણે લેવા કે આપવા.
• છઠીની વિધિમાં ૩ (ત્રણ) જણાએ જ જવું કે આવવું. ફકત રૂ. ૫૦૧/- પ્રમાણે આપવાનાં કે લેવાના રહેશે.
• સુવાવડમાં ૯ (નવ) વ્યક્તિ એજ જવું કે આવવું. અને સુવાવડ પહેલા ખબર લેવા પોતાના અંગત ધરના એજ જવું. સુવાવડમાં પહેરામણી ૯ (નવ) જણ માટે જ આપવી કે લેવી.
• બાબરીમાં ૧૧ (અગિયાર) વ્યક્તિઓએ એજ જવું કે આવવું. કોઈપણ ભેટ – સોગાદ ધરનાં જ વ્યકતિ ઓને આપવું.બાબરીમાં નસીલા પીણા કોઈને પીવડાવવા નહી કે બાબરીમાં કશે જાવ ત્યાં નસીલા પીણા પીવા નહી
• ધરના વાસ્તુ તથા નવચંડી યજ્ઞમાં કોઈપણ પ્રકારની ભેટ સોગાદો આપવી કે લેવી નહી.
• માતાજીના નામે જે ઢોલ વગાડવામાં આવે છે તે માતાજીના મંદિરે ટૂંકમાં પતાવી દેવુ તથા તેમાં ભેટ સોગાદ લેવાની કે આપવાની નહી.
• . મરણ પ્રંસગે કુલની ચાદર, કપડાં કે સાલ લાવવું નહી કે લાઈ જવું નહી. ફકત અંગતના સગાઓએ સુખડનો હાર લાવી શકશે કે લઈ જઈ શકશે.
• . સાસરૂ પિયરની પ્રથા બંધ કરવામાં આવે છે. સાસરા – પિયરમાં ફકત ધરનાં કે મહોલ્લાવાળા એકજ દિવસે જવા આવવાનું રહેશે. પિયરમાં બાર દિવસ દીવો સળગાવવાની પ્રથા બંધ કરવી. બીજા કોઈ સગાએ પણ પિયરમાં બેસવા જવું નહી.
• શોક સભામાં કે બેસણાનાં દિવસે જે ધામિક પુસ્તકો વહેચવામાં આવે છે તે બંધ કરવામાં આવે છે.
• મરણ પ્રસંગે ક્રિયા પાણીના વિધિમાં કોઈને પણ રૂમાલ આપવા નહી કે રૂમાલ કશેથી લાવવા નહી. ફકત જે વ્યકતિનું મરણ થયેલ હોય તેના સગા છોકરા માટે જ લાવી શકાય કે લઈ જઈ શકાય. છોકરાના છોકરા માટે પણ રૂમાલ લાવવા કે લઈ જવા નહી.
• ક્રિયા પાણીના દિવસે સાંજે કે બીજા દિવસે ભાણું ઢાંકવાની પ્રથા છે તે પ્રથા સદંતર બંધ કરવામાં આવે છે. અને તહેવારની અંદર પણ જે ભાણું ઢાંકવામાં આવે છે તે સદંતર બંધ કરવું.
• જ્યાં અવસાન થયું હોય ત્યાં ૧૨ (બાર) દિવસ પછી બેસવા જવું નહી. બાકી રહી ગયેલ હોય તો ફકત પોતાના અંગત સગા હોય તેવા બે – ત્રણ વ્યકતિઓએ જ જવું.
• મરણ પ્રસંગે પાંચમની વિધિમાં વાસણ વહેચવાની પ્રથા છે તે બંધ કરવી પાંચમ ફકત ધરના જ લોકોને બોલાવા જેમ કે કાકાભાઈ, બહેન, ફોઈ, અને જે વ્યકતિનું અવસાન થયું હોય તે વ્યકતિના સાસરે વાળાને બોલાવવા.
• મરણ પ્રસંગની અંદર જે ટાઈમ આપવામાં આવે તે સમયે હાજર રહેવું.
• મરણ વિધિમાં આવનાર ખાંધીયાને આપવામાં આવતા વાસણની પ્રથા બંધ કરવી.

ઉપર મુજબના નિયમોનું પાલન નહી કરશે તેને દંડ ભરવાનો રહેશે અને સમાજ યોગ્ય નિણૅય લેશે.

• નસીલા પીણા માટેના જે નિયમો છે તેનું પાલન ન થાય તો રૂપિયા ૫૧,૦૦૦/- દંડ ભરવાનો રહેશે.
• બીજા જે નિયમો છે તેનું પાલન ન થાય તો તેમાં રૂ. ૨૫૦૦૦/- પ્રમાણે દંડ ભરવાનો રહેશે.